Желтоқсан орыс тілді мектептердегі қазақ тілі мен әдебиеті мұғалімдері үшін іс-шараға бай  ай болды: 2 семинар, Облыстық ғылыми-тәжірибелік конференция, біліктілік аттестаттауы бойынша қайта тестілеу, «Қазақ әдебиетінің  тиімді әдіс-тәсілдері» фестивалі.

Семинарлар № 27, 15 мектептер қабырғасында өтті.

8 желтоқсан күнгі семинар № 27 орта мектепте болып, қазақ тілі мен қазақ әдебиеті сабақтарын тарихқа сүйене отырып оқыту мәселесін көтерді. Семинарда қазақ әдебиетінен сабақ көрсетілмегендіктен, тақырыбы толық ашылмай қалды.
22 желтоқсандағы № 15 мектеп дайындап, көрсеткен семинар оқушы мен мұғалімнің ғылыми-ізденушілік жұмысына, жоба құрылымына арналды.

А.Б.Шильмурзинаның, А.Н.Көшерханованың, С.Б.Асанованың берген сабақтары семинар тақырыбын ашып, жаңаша сабақ үлгілерін көрсетті.  А.Т.Абзалбекова мұғалімдердің жобалау, ғылыми жұмыстарын  жүргізуі, оқушылардың осындай жұмыстарына жетекшілік ету туралы баяндама оқып, қатысушыларға мәлімет берді. Семинар қорытындысында берілген сауалнама жауаптары бойынша жоғары бағаланды.

14 желтоқсанда Облыстық тілдерді дамыту орталығының басшылығымен облыстық ғылыми-тәжірибелік конференция өтті. Конференцияға қала мектептерінен 60-қа жуық мұғалімдер қатысып, қазақ тілі мен қазақ әдебиеті секцияларында өз ойларын ортаға салды. Конференция қонақтары – филология ғылымдарының докторы Ж.Қ.Смағұлов, облыстық білім басқармасының бас маманы – Р.Ш.Келбетова қазіргі қазақ тілі мен қазақ әдебиетін мектептерде оқыту жағдайына көп көңіл бөлініп отырғанын қатысушылардың белсенділігін атап кетті.

20, 21 желтоқсанда аттестаттауға өтініш берген мұғалімдердің қайта тестілеуі өткізілді. Оның қорытындысы бойынша  тестіні қайта тапсырған мұғалімдердің 15,6% -ы аттестаттаудың 2-ші кезеңіне (құжаттар тапсыру) өте алмай қалды. Бұл жалпы қала бойынша аттестатталуға үміткер қазақ тілі мұғалімдерінің 4,67% -ын ғана құрайды. Аттестатталу ережесіне сай біліктілігін жоғарылатуға өтініш берген, тестіні тапсыра алмаған мұғалім бұрынғы санатында қалады да, санатын растауға берген мұндай мұғалімнің санаты бір санатқа төмендетіледі.  

2010 жылдың  әдістемелік жұмысын 24 желтоқсан күнгі «Қазақ әдебиетінің  тиімді әдіс-тәсілдері» фестивалі аяқтады. Фестивальға қала мектептерінен 14 мұғалім тапсырыс беріп, 13 мұғалім қатысты. Бұл жылғы қатысушылардың деңгейі де, тақырыптары да, дайындық деңгейі де әр түрлі болды. Фестивальдің жеңімпаздары
І орын – Баграмова Гүлшат Тлеуқабылқызы, № 66 ОМ;
ІІ орын – Ташпулатова Ақмарал Унербаевна, № 4 МИ
Базарбаева Заказ Оспановна, № 16 ОМ
ІІІ орын – Акимова Шамшия Кажкеновна, № 16 ОМ
Ахтаева Сабира Далбаевна, № 77 МББК Қарағанды қаласының білім бөлімінің мадақтамаларымен марапатталса, қатысып, жеңімпаз атанбаған  мұғалімдерге алғыс хаттар берілді:
Ахметбекова Ғайнеш Маликзадиновна, № 82 ОМ;
Нұрфазылова Салтанат Ғайноллаевна, № 97 гимназия;
Имангалиева Айман Каригуловна, № 45 гимназия;
Оспанбай Талғат Оспанбайұлы, техникалық лицей;
Абишева Динара Жоланбаевна, № 9 гимназия;
Ысқақов Мейрамбек Ризханұлы, № 101 мектеп-лицей;
Жақыпбекова Бақыт Оразбайқызы, № 101 мектеп-лицей;
Рахимжанова Мейраш Толеуқадыровна, № 95 гимназия
Жеңімпаздарды құттықтап, қатысушыларға алғысымызды білдіреміз!

Келе жатқан Жаңа жыл мерекесі құтты болып, қала ұстаздарына жаңа шабыт, жаңа белес, жаңа жетістіктер әкелсін деп тілейміз. Еңбектеріңіз жанып, жемісін көре беріңіздер!

Г. Ибадуллаева