2014 жылдың 18 қарашасы күні № 93 гимназия  базасында «Математика және физика сабақтарында белсенді әдіс-тәсілдерді қолдану» тақырыбында физика және математика пәнінің жас мамандарына арналған  қалалық семинар  өткізілді. Семинардың мақсаты: Физика және математика сабақтарында оқытудың белсенді әдіс-тәсілдерін қолдану арқылы жас  мамандардың әдістемелік және кәсіби шеберліктерін дамыту.  Математика және информатика кафедрасының жетекшісі Ефимик М.Н. семинарға қатысушы мұғалімдерді деңгейлік курс барысында қарастырылған 7 модульдің негізгі идеяларымен таныстырып өтті. № 93 гимназияның математика пәні мұғалімі Яндоло Е.Н. шеберлік сыныбын өткізу барысында мұғалімдерді оқушылардың пәнге деген қызығушылықтарын арттыруға жағдай жасайтын әр түрлі әдіс-тәсілдердің тиімділігін көрсетіп, тәжірибесімен бөлісті.  Математика  мұғалімі Ефимик М.Н. «PISA-да кездесетін   практикалық тапсырмалардың өмірмен байланысы» тақырыбындағы практикалық сабағы барысында оқушыларды халықаралық PISA зерттеуіне дайындаудың тиімді жолдарын талқылады. Шокалова О.П. физика сабағында оқушылардың өздік жұмысын ұйымдастырудың тиімді жолдарын  атап өтті. Семинардың қорытындысы ретінде «Білімал» порталында «Математика және физика пәндері бойынша жас мамандар мектебі» тақырыбындағы мұғалімдердің желілік қоғамдастығының құрылуын атауға болады.