Білім беру мен оқытудың өзара тиімділігін арттыру, тәжірибе алмасу мақсатында 2014 жылдың 19-қараша күні   №36 орта мектепте «Сабақта оқытудың топтық жұмысын ұйымдастыру» тақырыбы бойынша бастауыш сынып мұғалiмдерiне арналған қалалық семинар өттi. Семинарға қала мектептерінен 40 мұғалім қатысты. Семинар теориялық және практикалық бөлімінен тұратын 2 кезеңде жүргізілді. 4- сынып оқушылары патриоттық тақырыпты негізге ала отырып флешмоб бойынша семинарды ашты. Семинардың ашылу бөлімінде мектеп директоры Изтулеуова Сауле Далбаевнаның  алғы сөзі тыңдалды. Ол педагогтар арасында іс-тәжірибемен алмасу бойынша семинар, отырыстар өткізудің маңыздылығы жөнінде айтып өтті. Директордың орынбасары Оразова Гүлмира Мұхтаровна бастауыш мектеп мұғалімдерінің жұмысы және семинардың бағдарламасымен таныстырып өтті. Семинардың бағдарламасына сәйкес мынадай іс-шаралар өткізілді: 1 «Б» сыныбында дүниетану пәнінен «Өсімдік мүшелері» тақырыбында ашық сабақ  (мұғалімі Айтбекова. А).  2 «В» сыныбында математика пәнінен «Тік төртбұрыш пен шаршының периметрі» тақырыбында ашық сабақ (мұғалімі Ильяшова З.С.). 3 «Б» сыныбында ағылшын  пәнінен «Шолу сабағы» тақырыбында ашық сабақ  (мұғалімі Серік Г.С.). 4 «Б» сыныбында математика  пәнінен «Өткенді қайталау» тақырыбында ашық сабақ  (мұғалімі Жашкеева А.Қ.). 

Семинардың екінші бөлігінде Кэмбридждік бағдарламаның І (ілгері) деңгейін бітірген Аманбаева М.Ж басшылығымен Байбусынова А.А.,  Оразова Г.М., Абдрашитова Г.Е. «Дарынды оқушылармен жұмыс» тақырыбында коучинг ұйымдастырып, өткізді. Коучинг мектепішілік онлайн түрінде екі кабинетте  өтті

Семинардың қорытынды бөлігінде семинардың өткізуі туралы қатысушылар пікірлерімен бөлісті. Педагогтар семинардың  пайдасы жөнінде және одан көп мағлұмат алғандарын айтты. «Бес саусақ» стратегиясы бойынша кері байланыс жасады. Семинар «Нұрлы арман»әнімен аяқталды