22.10.14  жылы № 15 ОМ КММ аясында «Инклюзивті білім беруді іске асыру жөніндегі ҚР БҒМ нұсқаулық-әдістемелік хаттарымен және нормативті-құқықтық құжаттарымен таныстыру» тақырыбында дефектологтар мен логопедтердің ЖММ қалалық отырысы өтті. 

Семинар инклюзивті білім беру бойынша жас педагогтардың құзырлықтарын арттыру, денсаулықтарында мүмкіндіктері шектеулі балаларға деген педагогтардың төзімді қарым-қатынастарын қалыптастыру, мүмкіндігі шектеулі балаларды құрдастарының қоғамына  дұрыс бейімдеу және біріктіруге арналған аса тиімді жолдарды, құралдар мен тәсілдерді  іздестіруге жас педагогтарды тарту мақсатында ұйымдастырылды. 

Теориялық материалды тыңдап біткеннен кейін, топта жұмыс жасауды жандандыру мақсатында  семинарға қатысушылармен  «мийға шабуыл» өткізілді. Топтарда жұмыс істей отырып, семинарға қатысушылар инклюзивті білім беру бойынша синквейн, шағым жобалар, түсінік картасын әзірледі. Семинарға қатысушыларға «Соқыр және жетектеуші», «Сиам егіздері» ойын стратегиялары ұсынылды, олар мүмкіндіктері шектеулі адамдар сезінетін қиындықтарды ұғынуға мүмкіндік берді. «Төзімділік», «Құмырадағы сызат», «Барлығына арналған мектеп» атты бейнероликтерді көру танымды болды.

Семинар соңында келтірілген «Әуе шары» және «Төзімділік ағашы» рефлексиясы осы іс-шараның мақсатына қол жеткізілгенін көрсетті: бағалау парақшаларында семинардың жұмысы туралы жағымды пікірлер берілді.