23.10.2014 ж. №101 мектеп-лицейде қазақ тілі мен әдебиеті пән мұғалімдеріне арналған   « Қазақ тілі және әдебиет сабағында диалогтік оқыту әдісінің тиімділігі» тақырыбында семинар болды. «Диалогтік оқытудың» әдіс-тәсілдерін  оқушыларды мәселені анықтап,оны шешуге итермелейтінін және олардың іс-әрекеттерін белсенді етуді көздейтінін мұғалімдермен коучинг барысында  лицей мұғалімдері: Исбекова Б.Ә., Мейрамова Ш.Б.түсіндірді. 7,8,6,5 сыныптарда пән мұғалімдері: Багжанова Б.Н., Махаева Б.Ж., Мейрамова Ш.Б., Исбекова Б.А.өткізген сабақтарда оқушылар диалог әдісін қолдана отырып, мысалы:талқылау, білімді бірлесіп құру, түсіну мен дағдыларды қалыптастыру арқылы білім алды. Әрбір сабақта оқушыларға сұрақтар қою арқылы, тақырып бойынша өз ойларын айтуға мүмкіндік берілді. Өзара талқылау арқылы, түрлі ойлардың болатындығын, бір - бірінің түсінуіне көмектесетінін көрсетті. Диалогтік тәсілдің оқушылардың ашылуына, ойын жеткізуіне, сөздік қорының молаюына көмектесетінін семинарға қатысушы ұстаздар түсінді.Сонымен қатар, ұстаздар мектептің Бірінші Президентіне арналған, Атамекен, Білім залдарымен танысты.