2014 жылғы 29 қыркүйек пен 3 қазан аралығында Қарағанды қаласының химия-биология бағытындағы Назарбаев Зияткерлік мектебінің футбол алаңында жалпы білім беретін мектептердің, гимназиялардың, лицейлердің оқушылары арасында футболдан қала біріншілігінің финалдық бөлімі өтті. Жарысқа 78 қала мектебі қатысты, финалдық кезеңге үздік 8 команда өтті. Жарысқа қатысушылар – 1997-99 жылы туған жасөспірімдер. 5 күн бойы Назарбаев Зияткерлік мектебінің стандартты жасанды алаңында маңызды жарыс болды.  Командалар жақсы, ұтқыр ойын, жеңіске жігерленген еріктерін көрсетті. Ойында жас, бірақ тәжірибелі   Қарағанды облысы футбол ассоциациясының төрешілері қызмет көрсетті. Олар Михаил Бильдинов, Андрей Марсал, Алексей Русяев. Жарыстың бас төрешісі  - Қарағанды қаласының ХББ НЗМ дене тәрбиесі мұғалімі   Қонақбаев Бағылан Аманжанұлы. 

Жарыс қорытындысы:

1  орын   -   № 65 ОМ

2  орын  -   № 85 ОМ

3  орын   -   № 77 ОМ

  Ұйымдастыру комитеті жарысты ұйымдастыруға және өткізуге қолғабыс еткендері үшін Қарағанды қаласының химия-биология бағытындағы Назарбаев Зияткерлік мектебінің директоры Равиль Мансурович Якуповқа, Қарағанды қаласы дене тәрбиесі және спорт бөлімінің басшысы  Марат Рахимұлы Асубаевқа ерекше алғыс білдіреді.