Ағымдағы жылдың 26-28 қыркүйегі аралығында Қазақстанда алғашқы рет робототехника бойынша олимпиада өткізілді. Оған еліміздің барлық аймақтарынан 200-ге жуық оқушылар қатысты. Қарағанды қаласының намысын олимпиадада №53 мектеп-лицейдің оқушылары Әлібеков Улугбек және Қайратов Арман қорғады. 

Сайыста қатысушыларға екі сағаттың ішінде роботтарды құрастырып, тестілеуден өткізу тапсырылды. Бірақ біздің оқушылар бұл тапсырманы 25 минуттан кейін аяқтап, өз жұмыстарын ұсынуға дайын болды. Нәтижесінде қарағандылықтар 3 жүлделі орынға иеленіп, алдағы уақытта өздерінің қабілеттерін WRO қазақстандық команданың құрамында көрсете алатындарына сенім білдіруде. Аталған команда 2014 жылғы желтоқсанда Сочи қаласында өткізілетін халықаралық олимпиадада еліміздің намысын қорғайды.

Қарағанды қаласының білім бөлімі оқушыларды олимпиадада көрсеткен нәтижелерімен құттықтайды және жаңа жеңістер тілейді!