2014 жылдың 24 қыркүйегі  күні  №54ЖББОМ қабырғасында «ҰБТ қорытындысына талдау жасау, дайындық жұмысын ұйымдастыру, жоспарлау» тақырыбында семинар болып  өтті.Семинарды №54 ЖББОМ директорының оқу ісі жөніндегі орынбасары Талдыбаева П.С.құттықтау сөзбен ашты. Одан соң сөз алған қалалық ББ әдіскері Аймағанбетова Г.К. семинардың өту барысымен таныстырып, әрі қарай семинарды жүргізіп отырды.Семинардың бірінші бөлімінде  №93 гимназияның қазақ тілі пәнінің мұғалімдері (3-деңгейлі курсты аяқтаған мұғалімдер) Кубекова Қ.Т. және Мойылбекова Р.А. «Оқушыларды ҰБТ-ге дайындау жолдары мен нәтижеге қол жеткізу» тақырыбы аясында өз іс тәжірибелерімен бөлісті. Одан соң  осы мұғалімдер  «РIZA  бағдарламасының оқушыларды ҰБТ-ге дайындауда тигізетін  ықпалы» атты   шеберлік сыныбын  өткізді. Келесі кезекте №54 мектептің мұғалімдері Сакенова М.К. 11-сыныпта «Қазақ ұлты-қонақжай халық» атты ықпалдастырылған сабақ,Сулейменова Р. «Отбасы» атты сабақта топтық жұмыс түрін көрсетсе, Кенетаева Н.К. «Менің достарым» атты сайыс сабағын өткізіп, әдістемелік шеберліктерін байқатты. Әдістемелік бірлестік жетекшісі Қасымжанова З.З. әдістемелік бірлестік жұмысымен таныстырып өтті. 

    Семинар соңында әртүрлі мәселелер талқыланып, семинар жағымды жағдайда қорытындыланды.