2014 жылдың 24 қыркүйекте№27 жалпы білім беретін орта мектепте технология, бейнелеу өнері, сызу, музыка пәндері бойынша «Эстетикалық пәндер сабақтарында этнопедагогикалық тәрбие беру»атты қалалық семинар өтті.

Семинардың мақсаты: Оқушылардың шығармашылық іс-әрекетін белсендендірудің әдістемелік тәсілдерімен және іс-тәжірибемен алмасу.

Семинарды Қарағанды қаласының білім бөлімінің әдіскері Ж.К.Дюсембина ашты. Эстетикалық жүйесі мұғалімдерінің әдістемелік бірлістегінің жетекшісі Н.Е. Шматовасөз алып, мектеп өмірі жайлы қысқаша тоқталды. Семинарға қатысушылар үшін мектеп оқушыларының шығармашылық жұмыстарынан көрме ұйымдастырылды.

Бейнелеу өнері, ән-күй және технология мұғалімдері бесінші сыныпта «Қазақ халқының өнері. Ою-өрнек» тақырыбында кіріктірілген сабақ өткізді.

   Кіріктірілген сабақ тартымды, жоғары әдістемелік деңгейде  өтті. 5-сынып оқушылары эстетикалық пәндердің бағдарламасы бойынша материалды жетік меңгерді.  Семинардың рефлексиясында мұғалімдердің практикалық іс-әрекетінен пайдалы материалдар алғандығын және жоғары дәрежедегі дайындықтары мен өткізулерін  көрсеткендіктерін айтты.