16 - 25 қыркүйек аралығында  №57 лицей және   №23 ЖББОМ  ғимаратында оқу бөлімі мен әдістемелік кабинеттің қатысуымен 11-сыныптарға  математика, физика, қазақ және орыс тілдері,  география, тарих пәндерінен сабақ беретін мұғалімдер үшін кеңейтілген кеңес өткізілді. Бұл кездесудің басты мақсаты мектеп бітіруші түлектерді ҰБТ дайындау сапасын көтеру мен оқытудың тиімді әдіс -тәсілдерін,  іс-әрект жасау жоспарын талқылау. ҰБТ -2014 нәтижесімен  білім беру секторының меңгерушісі Н.В. Головина таныстарса, ал осы бағыт бойынша жасалған жұмыстармен әдіскерлер: Кулмуханова Р.Ж., Аязбекова Г.У., Лаверженцева Е.В., Жакишева М.К., Аймагамбетова Г.К. айтып берді.  Ұлттық бірыңғай тестілеуге дайындау жүйесі туралы тәжірибелі ұстаздар өз ойларын ортаға салды.Білім бөлімі басшысының орынбасары   Р.А. Кенешова әдістемелік қызметтің кемшіліктері мен мектеп бітіруші сыныптарда жұмыс жасайтын педагогтардың басты бағыттарын айқындап берді. Сонымен қатар, кеңесте оқушыларды ҰБТ-ге сапалы  дайындау және орташа ұпайды көтеру бойынша ҚҚББ жұмыс жоспары таныстырылды. Кеңес қорытындысында ұсыныстар берілді:

1. Пән мұғалімдері мектеп бітіруші түлектерді ҰБТ-ге дайындау жұмысын жүйелі, жоспарлы жүргізу. 

2. Алдын ала дайындық тестілеу нәтижелерінің толық талдамасын жасау.

3. Әр жаңа тақырыпты өткен соң тақырыптық тестілеу алу. 

4. «Қауіпті топта»  тұрған оқушылармен жекелей жұмыс жүргізу. 

5. Ата-аналармен жүйелі жұмыс жүргізуді ұйымдастыру: алдын ала тестілеу талдамаларымен таныстыру, таяу уақыттағы келешегін анықтау т.б. 

6. Мұғалімдер пән бойынша тақырыптарды оқығанда оқытудың  орта, жоғары буындарында   сабақтастықты сақтау. 

7. ҰБТ дайындалғанда  электронды  жаттығу құрылғылары мен тестерді қолдану.

8. Күрделі тақырыптарды өткенде жекелей ақыл-кеңестер өткізу. «Алтын белгі» және  Үздік аттестатқа үміткерлермен жекелей жұмыстар ұйымдастыру .