17 қыркүйек күні қаламыздағы №23 жалпы білім беретін орта мектебінде бейнелеу, музыка, технология пәндері бойынша «Жас ұстаз үшін сабақты ұйымдастыру және мектеп құжаттарымен жұмыс жасаудағы басты мәселелер» тақырыбында жас мамандар мектебінің қалалық семинары өтті. Семинарға қалалық білім бөлімінің маманы және қала мектептерінің мұғалімдері қатысты.

         Семинардың мақсаты: жас мамандарға көмек көрсету барысында сабақтың мақсатын, мазмұнын, оқытудың әдіс-тәсілдерірін айқындау, мұғалімдердің теориялық білім-біліктерін тәжірибеде ұштастыру.

Семинар бағдарламасы бойынша пән мұғалімі О. Горбунова «Бейнелеу өнері сабағындағы рефлексия» тақырыбында шеберлік сынып сағатын, мектеп психологы Г. Абдыкадырова психологиялық тренинг жүргізді. Бұл шеберлік сыныбының мұғалімдерге пайдалы мағлуматтар алуға әсері мол болды. Сонымен қатар әдістемелік көрме ұйымдастырылды. Қорыта айтқанда, жалпы семинардың өтілуі өте жоғары деңгейде өтті. Қатысқан мұғалімдердің көңілінен шығып, көптеген тәжірибе жинақталды.