Ағымдағы жылдың 10 қыркүйегінде №23 орта мектепте жаңа спорт алаңының салтанатты ашылуы өтті. Аталған ісшараға Қазыбек би атындағы аудан әкімі Р.Х. Қабжанов, «Еуразиялық банкі» АҚ филиалының атқарушы директоры М.М. Хасенов, Қарағанды қаласы білімі бөлімінің мамандары, білім беру ұйымдарының басшылары және басқа да қонақтар қатысты.
Спорт алаңы Қазыбек би атындағы әкімі аппаратының және банктердің арасында жасалған Меморандум аясында «Еуразиялық банкі» АҚ демеушілік қолдауымен салынды.
Ісшара барысында бірнеше қалалық және облыстық сайыстардың жеңімпаздары баскетболшы-оқушылар, сонымен қатар каратемен айналысатын мектептің жас спортшылары өз өнерлерін көрсетті. Ашылу салтанаты мектеп би студиясы оқушыларының қатысуымен флеш-мобпен аяқталды.