Қарқаралы қаласында ағымдағы жылдың мамыр айында жол қозғалысы жас инспекторларының облыстық слеті өткізілді. Ісшараға Қарағанды қаласынан қалалық байқау жеңімпаздары - №101 мектеп-лицейдің және №95 мектеп-гимназияның командалары қатысты.

Байқау балалар жол-көлік жарақаттануының алдын алу жөніндегі  жұмысын жандандыру, жол ережесін нақты сақтау қажеттілігіне балалардың назарын аудару, балалардың жолда жүру мәдениетін қалыптастыру мақсаттарында  ұйымдастырылды. 18 команда қатысқан облыстық слеттің қорытындысы бойынша №101 мектеп-лицей командасы 1 орынға, ал №95 мектеп-гимназияның жас инспекторлары 3 орынға ие болды. Сонымен қатар, екі мектептің оқушылары да әртүрлі номинацияларда жеңімпаздар болып атанды.

Ағымдағы жылдың маусым айында №101 мектеп-лицейдің жас инспекторлары Өскемен қаласында өткізілетін жол қозғалысы жас инспекторларының республикалық слетінде Қарағанды облысының намысын қорғайтын болады.

Қарағанды қаласының білім бөлімі оқушыларды жол қозғалысы жас инспекторларының облыстық слетіне нәтижелі қатысқанымен құттықтайды және жаңа жеңістер тілейді!