2014 жылдың 21 мамыр күні №58 ЖББОМ базасында математика мұғалімдерінің «Функционалды сауаттылықтың өзектілігі» тақырыбында қалалық семинар өткізілді. Қалалық ББ әдіскері Аязбекова Г.У.  Президентіміздің «Стратегия – 2050» бағытындабұл сұрақтың маңызды екенін тілге тиек етті. №58 жалпы білім беретін орта  мектептің математика мұғалімдері Рязанова В.А., Искакова Г.М., Сабдина А.А., Хорошилова Т.А. «Функционалды сауаттылық» тақырыбында коучинг-сессия өткізді. Коучинг-сессияда математиканың негізгі тақырыптары айқындалып, әр адамның математикалық сауаттылық деңгейін бақылау диагностикалық тестілеуі, математика курсындағы қалыс қалған жерлері  айқындалып, оларды шешу жолдары қарастырылды. Семинар соңында келесі оқу жылына SMART– мақсат қойылып, өткен жылға қорытынды жасалды. Рефлексия қорытындысында аталған тақырыптың математика мұғалімдерінің әдістеме бірлестігі жұмысында маңызды екенін көрсетті.