Қарағанды қаласы білім бөлімінің жоспарына сай қыркүйектің 23-і күні № 86 орта мектеп ғимаратында орыс мектептерінде 9-10 сыныптарда  оқитын қазақ балалары арасында облыстық «Ана тілі сұлтаны» байқауының қалалық кезеңі болып өтті. Байқауға қала мектептерінен 25 бала қатысып, түрлі өнер көрсетті. Сайыскерлер “Сәлем - сөздің атасы”, “Даналық ойдан дән ізде”, “Тарих айнасы”, “Ақылың болса, сөз тыңда”, “Жігітке жеті өнер де аз” бағыттары бойынша бақ сынасып, мықтылары сытылып, алға шықты. Жүзден жүйрік, мыңнан тұлпар атанған сұлтандар:

І орын –  Саматов Нұрбол, № 91 ОМ оқушысы;

ІІ орын – Саяшев Бекзат, № 137 ОМ;
Рымкулов Нұрсұлтан, № 65 ОМ;

ІІІ орын – Мухитов Данияр, № 9 гимназия;
Мукарамов Ерболат, № 15 ОМ;
Гайнуллаев Ислам, № 25 ОМ.

Жеңімпаздар қалалық білім бөлімінің мадақтамаларымен, ал оларды дайындаған ұстаздар алғыс хаттармен марапатталды.
Жеңімпаздарды құттықтап, облыстық деңгейде табыс тілейміз!!!

 

---

Қыркүйек айының 22-сінде № 23 орта мектепте білім бөлімінің жоспарына сай орыс мектептерінің қазақ тілі мен әдебиеті мұғалімдеріне арналған семинар өткізілді. Семинарға қала мектептерінен 52 мұғалім қатысып, тіл мерекесіне арналған іс-шаралардың куәгері болды.

«Сөз мәйегі – мақал-мәтел» атты сайыс сабақ 8 сынып оқушылары арасында өтті. Шараны  орыс сыныбының оқушылары жүргізіп, өздерінің жетік білімдері мен ұйымдастырушылық қабілеттерін көрсетті. Қолданылған техникалық құралдар мен ойластырылған тапсырмалар оқушылардың қызығушылығын арттыру жолында жақсы қызмет етті.

7 сыныптар да 3 топқа бөлініп, «Тілім – тірегім» атты шарада сайысқа түсті. Оқушылардың алдына қойылған талаптар мен өзара бәсекелестік сайыс мақсатына жетуге жағдай жасады.

Тұсаукесері болған мектепішілік «Кәусар» газеті оқушы шығармашылығының айнасы болатынын дәлелдеді.
Семинар жұмысы «Шәмші аға - ән аға» деп аталатын концерттік бағдарламамен аяқталды.

 

---

Қалалық білім ұйымдарындағы Қазақстан халқының тілдері күніне арналған іс-шаралар легін 24 қыркүйек күні Мәдениет және тілдерді дамыту бөлімімен бірігіп өткізілген «Халықтар достығы» фестивалі жапты. Фестивальда қазақ, корей, кавказ, орыс, неміс, француз, ағылшын тілдерінде өлеңдер, әндер, қойылымдар, осы халықтардың билері көрермен назарына ұсынылды. Оқушылардың сахналық дарыны, тілдерінің тазалығы, ұйымшылдығы қала мектептерінен келген көрермендерді тәнті етті. Мың бұралған «Улыбка» хореографиялық би тобының қыздары концерттік бағдарламаға жылы леп беріп, тартымды етуге өз үлестерін қосты. Залдағы көрермендердің жылы жүздері, жүргізушілердің қолдауы, сахнаның безендірілуі қатысушыларға дем беріп, мерекелік көңіл-күй тудырды. Фестивальда өз өнерін көрсеткен оқушылар, топтар Мәдениет және тілдерді дамыту бөлімінің естелік сыйлықтарын алып қайтты.