2010 жылдың 26 тамызында № 59 мектеп ғимаратында орыс мектептеріндегі қазақ тілі мұғалімдерінің тамыз отырысы болып өтті. Дәстүрлі түрде өткізілетін бұл отырыс мұғалімдерді жаңа оқу жылына бағыттайтын іс-шара болып табылады.  Жиналысқа қала мектептерінің барлығынан 140 мұғалім қатысты (қатыспаған мектептер – № 21, 34, 68, 85). Отырыс «Тіл үйретудегі құзырлылық тәсілі – білім берудің қазіргі парадигмасының негізі» атты тақырып аясында өткізілді. Онда № 48, 23, 87, 101, 61, 15 мектептердің мұғалімдері өз тәжірибелерін ортаға салып, көрнекіліктермен әрленген баяндамаларын оқыды.

Әдіскердің өткен оқу жылына берген талдауы бірлестік жұмысын жан-жақты ашып, жетістіктері мен кемшіліктерін белгілеп берді.

Қалалық ӘБ жұмысына белсене қатысқаны, шығармашылық танытқаны үшін № 9 гимназияның мұғалімі Хасенова Гүлсім Төкеновна мен № 59 ОМ мұғалімі Сағындықова Салтанат Сәнекеевна қалалық білім бөлімінің мадақтамаларына ие болды.

Отырыс барысында мұғалімдерді:

• 1 сыныптағы қазақ тілі сабақтарының саны 3-ке жеткендіктен, күнтізбелік жоспар құру;
• Қазақ әдебиеті сабақтарында оқушылардың топқа бөлінбеуі;
• Жас мамандармен жұмыстың көңіл толтырмауы;
• Заман талабына сай жаңа технологияларды (АКТ) қазақ тілі мен әдебиеті сабақтарында қолдану деңгейінің төмендігі сияқты мәселелер толғандыратыны анықталды.

Конференциядан соң қалған шығармашылық топ отырыс шешімін келесідей шығарды:

• Қалалық әдістемелік бірлестіктің 2009-2010 оқу жылындағыжұмысы өте жақсы бағалансын.
• Тәжірибелі мұғалімдердің іс-тәжірибесінің көрмелерін ұйымдастырып, өткізу.
• Алдыңғы қатарлы тәжірибе базасын жинақтау, жас мамандар арасында тарату.
• Сыныптан тыс іс-шаралар базасын жасау, тарату.
• Заман талабына сай жаңа ақпараттық технологияларды іс-тәжірибеде кеңінен қолдануды жолға қою.
• Орыс мектептеріндегі қазақ тілі сабақтарының сапасын арттыру.
• 1 сыныпқа арналған күнтізбелік жоспарды № 81 мектеп мұғалімдері құрып, қалалық ӘБ отырыса бекітуге ұсынсын.