16.04.2014 жылы қаламыздағы « №78 НОМ» КММ –де қаланың өзге тілде білім беретін мектептерінің қазақ тілі мен әдебиеті мұғалімдеріне арналған
«Сыныптан тыс ісшараларды жоспарлап өткізу арқылы, оқушылардың қазақ тілі мен әдебиет пәндеріне қызығушылықтарын арттыру» атты қалалық семинар болып өтті.
Семинардың мақсаты:
Сыныптан тыс ісшараларды жоспарлап өткізу арқылы, оқушылардың қазақ тілі мен әдебиет пәндеріне қызығушылықтарын қалай арттыруға және оны іс-тәжірибеде қалай жүзеге асыруға болады. Сыныптан тыс ісшаралар мұғалім қызметінің, мұғалім жұмысының ажырамас бір бөлігі екені баршамызға аян. Олай болса тәрбие жұмысын жүйелі түрде жүргізу арқылы қандай жетістіктерге қол жеткізуге болады. Міне,семинардың ұстанған бағыты да осы болды.
Семинар №78 НОМ-тің қазақ тілі бірлестігінің әдістемелік жұмыс жүйесімен таныстырудан басталды. Семинар барысында №56 НОМ тің қазақ тілі мен әдебиеті пәндерінің мұғалімі Қ.Б.Бажаеваның «Сыныптан тыс ісшараларды жоспарлап өткізу арқылы, оқушылардың қазақ тілі мен әдебиет пәндеріне қызығушылықтарын арттыру» атты баяндамасы тыңдалды.
Одан әрі №78 НОМ КММ- нің мұғалімі М.А.Қаирбаева қаланың 80 жылдық мерейтойына орай «Қарағанды –ғарыш айлағы» атты» мектеп мұражайының болашақ ұрпаққа патриоттық тәрбие беру мәні туралы экскурсия-баяндама жасап, бейне-ролик көрсетті.
А.К.Дуанбаева 4-сынып оқушыларымен «Білгерлер сайысын өткізсе, Ж.К.Актаева мен Б.К.Билялова «Мерекелер» атты ісшара өткізді. Семинар мазмұны мен құрылымы жағынан жан-жақты ойластырылғандығы аталып өтті.