Қарағанды қаласының 80 жылдығын мерекелеу аясында №2 өнер мектебімен Қарағанды қаласы білім бөлімінің қолдауымен 2014 жылдың 10 сәуірінде «Самый-самый-самый» атты эстрада-цирк өнерінің қалалық байқауы өткізілді.
Байқау бала тұлғасын дамытудағы қосымша білімнің рөлін арттыру, дарынды оқушыларды анықтау және қолдау, сонымен қатар цирк өнерін дәріптеу мақсатында ұйымдастырылды.
Байқауға қаланың әуесқойлық цирктердің артистері, мектеп және мектептен тыс ұйымдарының оқушылары, сонымен бірге акробатика, гимнастика, жонглерлік ету, эквилибристика өнері, күлдіргі ойын атты цирктің негізгі жанрларын өз бетімен меңгерген балалар қатысты.
Байқаудың қорытындысы бойынша жүлделі орындарға ие болғандар: Бас жүлде - Жетписов Д., Богатырев А., Цой К., Григорьев Н. (№2 ӨМ); 1 орын - Розановская Д. (№64 ОМ), Щетинин Н. және Райх Р. (№2 ӨМ), Пешкова С. және Семенова Е. (№ 64 ОМ), Дудина А. (№2 ӨМ); 2 орын - Кадырбай М. (№68 МББК), Иляскина М. («Молодые сердца» атты цирк студиясы); 3 орын - Гинс А. (№51 ОМ), Тен Е. (№2 ӨМ), Кисильчак Б. және Дубовой В. (№2 ӨМ).