Қарағанды қаласы білім бөлімінің қолдауымен №1 өнер мектебі 2014 жылдың 25 наурызында әнді хормен және жеке айту бойынша педагогтар үшін «Оқушылардың техникалық вокалды дамуындағы заманауи әдістер» тақырыбында  I қалалық семинар өткізді. 

Семинар барысында оқушы-вокалистердің техникалық дағдыларын жетілдіру, педагогтар жұмыстарының тиімділігін жоғарлату мәселелері талқыланды. Сонымен қатар, оқушылардың шығармашылық потенциалының іске асырылуының маңызды шарттарының бірі ретінде балалар музыка мектептері, өнер мектептері және өнер колледждері педагогтарының жұмыстарында сабақтастықты нығайту тақырыбы қарастырылды. 

Семинардың практикалық бөлімінде №1 өнер мектебінің педагогтары келесі тақырыптар бойынша ашық сабақтар: «Эстрадалық вокалистердің техникалық дағдыларын дамыту» (педагог Тукаева-Олжабай Д.Д.), «Халық әндерін айтуды балаларға үйретудегі техникалық дағдылардың ерекшеліктері» (педагог Абдуалиева Г.А.), «Көз көруі бұзылған балаларда дауысты қоюдағы техникалық дағдыларын дамыту» (педагог Ганенко Ю.В.) және академиялық вокал бойынша педагог Цой Н.А. дайындаған  мастер-класс көрсетілді. 

Семинар №1 өнер мектебінің оқушылары дайындаған концертпен аяқталды.