Орыс мектептеріндегі қазақ тілі мен қазақ әдебиеті мұғалімдері 2009-2010 оқу жылын маңызды, қажетті, қызықты іс-шаралармен аяқтағалы отыр. Уақыттың тығыздығына қарамастан, мектеп оқушылары мен ұстаздар, қалалық  шығармашылық топ мүшелері аянбай еңбектеніп, өз өнерлерін көрсетті. Оқушыларға арналған 3 іс-шара өткізіліп, қаламыздың мектептерінен қазақ балалары да, басқа ұлт өкілдері де қатысты.

«Халық ауыз әдебиеті» атты ІІ қалалық дәстүрлі байқауының ақтық кезеңіне 5 мектеп қатысып, І орынды № 74 орта мектептің оқушылар тобы (мұғалімі Сембаева Ә.С.), ІІ орынды № 95 гимназияның оқушылар тобы (мұғалімдері: Кадирсизова О.Р., Рахимжанова М.Т., Сапарова А.С., Мұхамедиева Г.А.), ІІІ орынды № 51 орта мектептің оқушылар тобы (мұғалімдері: Нұрмағамбетова Т.А., Абзалбек Л.С.) иеленді. Жеңімпаздар қалалық мәдениет және тілдерді дамыту бөлімінің грамоталарымен марапатталды. Оларға бағалы сыйлықтар аталды. Байқауға қатысып, орын ала алмаған № 101 лицей мен 9 гимназияның топтары алғыс хат алды. Жоғарыда аталған бөлім оларға ынталандыру сыйлықтары беріледі деп уәде берді.

«Абай оқулары» атты дәстүрлі байқау да өз мәресіне жетті. Абай мен Шәкәрім өлеңдерін, қара сөздерін оқып, сайысқан 6 оқушы арасында орындар төмендегідей бөлінді:
І орын – 1 гимназияның 6 сынып оқушысы Щетенкова Александра;
ІІ орын - № 91 мектептің 11 сынып оқушысы Зауров Сайхан;
ІІІ орын - № 137 орта мектептің 9 сынып оқушысы Дрожжина Дарья.
Ал қатысушылар №15 ОМ  7-сынып оқушысы Шумова Кристина;  №86 ОМ 7-сынып оқушысы Богушев Константин; №45 гимназияның 6-сынып оқушысы Кузьмина Анна алғыс хаттармен марапатталды. Бұл байқауға қатысушылар да бағалы, ынталандыру сыйлықтарға ие болатыны айтылды.
20 мамырда № 16 орта мектеп қабырғасында V қалалық оқушылардың ғылыми-практикалық конференциясы өткізілді. Оған қатысуға сұраныс берген 18 оқушының 10-ының жұмысы іріктеліп алынды. Конференцияға қатысушылар өздерінің ізденушілік еңбектерін көрнекті, тартымды етіп дайындаған презентацияларымен, басқа да көрнекіліктерімен әрлей отырып қорғады. Конференцияның қазылар алқасы шешімімен 4 жұмыс үздік деп танылып, жеңімпаздар түрлі дәрежелі дипломдармен:
№ 38 гимназия оқушысы  Реттих Валерия – І дәрежелі дипломмен;
№ 45 гимназия оқушысы Абдраимов Арман – ІІ дәрежелі дипломмен;
№ 33 ОМ оқушысы Дербенцева Ксения – ІІІ дәрежелі дипломмен;
№ 137 ОМ оқушысы  Сәдібекова Малика – ІІІ дәрежелі дипломмен марапатталды.
Жеңімпаздардың жетекші мұғалімдері:
Дүрмағамбетова Роза Асхатбековна, № 38 гимназия мұғалімі;
Асқарова Жанат Тоқташевна, № 45 гимназия мұғалімі;
Смағұлова Күлзия Хасеновна, № 33 ОМ мұғалімі;
Медиярова Роза Сайлаубековна, № 137 ОМ мұғалімі грамоталармен марапатталды.
Қатысушылар сертификаттар, ал олардың жетекшілері алғыс хат алды.
Жеңімпаздарды құттықтаймыз!!! Шығармашылық табыстар, жаңа жеңістер тілейміз.

2. Қалалық әдістемелік бірлестік жұмысы аттестатталушы мұғалімдерге арналған жергілікті жерлерде өткізілген 4 семинармен, 19 мамырда өткен интернет форуммен жалғасты.

Аттестатталушы мұғалімдер шығармашылық топ мүшелері көмегімен жаңа ережемен, құжаттарға қойылатын талаптармен танысты. № 9 гимназия мұғалімі Г.Т.Хасенова мен № 59 орта мектеп мұғалімі С.С.Сағындықова екі жылдық жинақтау жұмысының қорытындысын шығарып, бірлестік мүшелері алдында ортаға салды. № 59, 88, 9, 51 мектептердің қабырғасында өткен бұл семинарлар жоғары бағаға ие болып, ұстаздардың алғысына бөленді.

Интернет форумға аз ғана мектеп қатысқанына қарамастан, қазіргі таңда өзекті мәселе болып отырған диагностикалық, мониторингтік әрекеттің ғылыми негізі туралы әңгіме қозғалды. Бұл әрекеттер көбіне мұғалімдердің аналитикалық деңгейіне байланысты екені анықталды. Ал мақсаты –жыл санап оқушылардың білім деңгейінің өсу немесе төмендеу динамикасын қадағалау және қиыншылықтарын анықтау. Сол арқылы білім алушыларға көмек көрсету: деңгейлеп-саралау арқылы білім сапасын жоғарылатуға жағдай жасау, деп шешті қала мектептерінің қазақ тілі мен әдебиет мұғалімдері.

Біздің жаңалықтарымызды қарап, бізбен бірге қуанып, ана тіліміздің жағдайын жақсартуға, қолдану аясын кеңейтуге үлесін қосып жүрген, іс-шараларымызға белсенді қатысып жүрген ұстаздарымызға алғысымызды білдіреміз.