2014 жылдың 22 қаңтарында №81 жалпы білім беретін орта мектепте технология, бейнелеу өнері, сызу, музыка пәндері бойынша «Оқу процессінде АКТ қолдану» тақырыбында қалалық семинар өткізілді. Семинарды Қарағанды қаласының білім бөлімінің әдіскері Ж.К.Дюсембина ашты. Оқу – тәрбие жұмысы жөніндегі мектеп директоры орынбасары Қулболатова Қ.С. сөз алып, мектеп өмірі жайлы қысқаша тоқталды. Семинарға қатысушылар үшін мектеп оқушыларының шығармашылық жұмыстарынан көрме ұйымдастырылды.

Бейнелеу өнері мұғалімі Ш.С.Тусупова бесінші сыныптар арасында «Шеберлер қаласы» сыныптан тыс шарасын өткізді. Шараға қатысушылар «Түскиіз» театрландырылған қойылымын дайындап, көрсетті. Шарада әртүрлі ұлттық өнер туындылары ұсынылды. Шара жақсы әдістемелік деңгейде өткізілді. 

Бейнелеу өнері мұғалімі  Д.Д. Цубикс  3 «А» сыныбында «Ғажайып гүлдер» тақырыбы бойынша ашық сабақ өткізді. Сабақ жоспары әдістемелік жағынан сауатты жоспарланды және өткізілді, құрылымы дұрыс және заманауи білім беру технологиялары қолданылды: ақпараттық-коммуникативті оқыту технологиясы, серіктестік педагогикасы. Сабақтағы жақсы психологиялық көңіл-күй оқушылардың сабақ барысына деген қызығушылығының арқасында сабақ аяғына дейін сақталды. 

10 «Б» сыныбында өткізген технология мұғалімі О.Н.Акижановтың «Балғаны құрастыру» сабағы жақсы жоспарланған, әдістемелік жағынан сауатты өткізілді.

«Ақылды да  сұлу қыздар бізде бар»  атты дәстүрлі емес материалдардан жасалған костюмдер байқауы № 81 мектепте дәстүрге айналды, биыл төртінші рет өткізіліп отыр. Сыныптан тыс шара 7-11 сынып оқушылары арасында өткізілді. Бұл байқауды технология мұғалімі Т.С.Погорелова дайындап, өткізді. Байқауға қатысушылар әртүрлі материалдардан жасаған, тіккен көйлектерін көрсетіп, көрермендер көзайымына айналды. 5 «Б» сыныбында өткізілген интерактивті музыка сабағының тақырыбы: «Күй-түрік халқының классикалық өнері». Сабақты музыка мұғалімі М.Г.Карпунова өткізді.          

Сабақтың оқу материалы екшеленіп алынған, сабақ жоспарына сай, дамытушылық, тәрбиелік және білімділік мақсаттарға ие.

Музыка пәні мұғалімі  Б.М.Манапов сыныптан тыс шараны «Домбыра тартуды үйрету  үйірмесінің  жұмыс тәжірибесінен»  тақырыбы бойынша өткізді. Мұғалім ұлттық аспапта ойнауды нотасыз үйретудің тәсіліне баса назар аударды. Сыныптан тыс шара тәрбиелеуші және дамытушы сипатқа ие болды. Семинарға қатысушылар мұғалімдердің жұмысын «жақсы» деп бағалады.