2013 жылдың 26 желтоқсанда №92 гимназияда Қарағанды қаласының білім беру ұйымдары директорларының қатысуымен білім бөлімінің Кеңесі өткізілді.

Білім бөлімі басшысының орынбасары Мештаев А.Д. 2013 жылғы әлеуметтік-экономикалық даму қорытындысын жариялады. Өзінің баяндамасы барысында ол білім беру ұйымдарында сапалы білім беру үшін барлық қажетті жағдай жасалғанын ерекше атап өтті. 2013 жылы 39 пән кабинеттері, 548 компьютер, 22 корт, 33 технология кабинеттері, оқып үйренуге қажетті автомобильдер алынды. Ағымдағы жылы №2 лицейдің спорт залы салынды, «Бақыт» балабақшасы күрделі жөндеуден өтіп, қосымша 120 орынды қамтитын 4 топ ашылды. 

Білім бөлімі басшысының орынбасары Кенешова Р.А. білім бөлімі жұмыс жоспарының орындалуын талдап, 2014 жылға жұмыс жобасын ұсынды. Келесі жылы білім беру ұйымдарының сапалы мемлекеттік қызмет көрсету мәселесіне ерекше назар аудару жоспарланып отырғаны айтылды.

Кеңес мүшелері жоспар жобасымен келісіп, оны бекітуге ұсынды.