2013 жылдың 18 желтоқсанында № 83 ЖББОМ –нде  «Өзін-өзі тану» пәнінің мұғалімдеріне арналған «Өзін-өзі тану сабақтарында бастауыш сынып     оқушыларының рухани-адамгершілік қасиеттерін дамыту» атты  қалалық семинары өтті. Семинардың мақсаты: әр оқушының өзіндік ішкі жан дүниесін тануына және жеке тұлға екендігін сезінуіне жағдай туғызу; оқыту және тәрбиелеу үрдісі барысында балаларды әлеуметтендіруге тиімді ықпал ету.
Семинар қатысушылары бастауыш сынып мұғалімі Л.Лобованың шеберлік мектебі, Қ.Исабаева,  О.Завьялова және Е.Филонова мұғалімдердің 2-4-ші сыныптар арасында өткізілген  сабақтарға белсенділік танытып,  өз пікірімен алмасты. Семинар жағымды психологиялық  қарым-қатынас, бастауыш сыныптарда қолданатын қызықты әдіс-тәсілдер мен формалары, оқушылардың сабақтағы белсенділігімен ерекшеленді. Семинар жоғары деңгейде өтті.