Алматы қаласында ағымдағы жылдың 21-25 қараша аралығында еліміздің барлық аймақтарынан 400 астам жас дарындылар қатысқан ІХ Ұлттық Дельфий ойындары өтті. Қатысушылардың жасы - 10-нан 25 жасқа дейін. 

Қарағанды облысынан ойындарға әртүрлі номинация бойынша 16 қатысушы және 3 би ұжымы: «Эксклюзив», «Жетіген» (Қарағанды қ.), «Гүлдерай» (Балқаш қ.) қатысты.

Жоғары бәсекелестікке қарамастан, қарағандылықтар өнерлерімен бөлісіп, бірнеше жүлделі орынға ие болды. Жеңімпаздар болып атанғандар: алтын медаль - Иринев Сергей (КССМШИОД, скрипка); алтын медаль - Курина Юлия (№101 мектеп-лицей, Web-дизайн); күміс медаль - Нұрмағанбетова Жансая  (№1 өнер мектебі, эстрада ән айту кіші топ);  күміс медаль - Имашхан Тлеубек (ҚарМТУ, эстрада ән айту жоғары топ); күміс медаль - Сахы Нұрболат (дарынды балаларға арналған мектеп-интернат, домбыра); қола медаль - Төлеуханов Диас (№1 балалар музыка мектебі, халық ән айту кіші топ); қола медаль - Турыкбаева Әйгерім (№1 өнер мектебі, халық сурет кәсібі); қола медаль - Асылбекова Акмарал (Теміртау қ. Г.Жубанова атындағы өнер мектебі, сурет).

Білім бөлімі барлық қатысушыларды жеңіспен құттықтай отырып, алдағы уақытта шығармашылық табыс тілейді!