2013-2014 оқу жылының қараша айының 27 жұлдызында «№61 жалпы білім беретін орта мектепте» КММ технология, сызу, музыка пәндері бойынша «Функционалдық сауаттылық қалыптасуы – оқушының оқу-танымдық құзыреттілігі дамуының негізі» тақырыбында қалалық семинар өткізілді. 

Семинарды Қарағанды қаласының Білім Бөлімінің әдіскері Ж.К.Дюсембина ашты. Мектеп директоры Р.М.Галимуллина сөз алып, мектеп өмірі жайлы қысқаша тоқталды. Баяндамашы мектептің директорының оқу-тәрбие жұмысы жөніндегі орынбасары М.А.Құнанова семинар тақырыбына тоқталып,  функцианалдық сауаттылықтың қазіргі даму сатысы жайлы ой қозғады.

Барлық қонақтар мектептің көрме залына «Туған жер бояулары» атты суреттер галереясына саяхат жасады. Жетекші мұғалім З.Н. Монина суреттер тарихы жайлы баяндады.

        Семинарға қатысушылар үшінші сабақта музыка пәні мұғалімдері В.А.Князева  және С.А.Мукышева «Қырдағы өлкенің әуені» тақырыбындағы кіріктірілген сабаққа, 7 «Б» сыныбында технология пәнінен  С.С.Харина өткізген «Газет қималарынан өру» шебер-сынып, оқыту қазақ тіліндегі Т.Т.Ахметов  өткізген «Нүктенің нәрсе бетінде проекцясын салу» ашық сабағына қатысты. Акт залында И.В.Пучкованың «Оқушылардың эмоциялық дамуына музыканың әсері» жобасына, «Шығармашыл тұлғаның қалыптасуына сумоншақпен өрудің әсері» тақырыбында А.Ж.Абдрахманованың дайындаған оқушыларының қорғаған жобасына куә болды.  Мектептің 7 «А» сынып оқушысы Жакупова Назерке   және 4 «В» сынып оқушысы Аккушукова Алина жүргізген сараптамалық жұмыстарына қатысушылар дән риза болды. 

          Мектептің технология пәні мұғалімі Т.Т.Ахметов «Функционалдық сауаттылық қарапайым дағдыларының қалыптасуы жолында  сабақта жүргізген жұмыстарым» тақырыбымен өз тәжірибесін ортаға салды.

        Семинарды қалалық ББ әдіскері Ж.К.Дюсембина қорытындылап, барлық мұғалімдерге шығармашылық табыс тіледі. 

Семинардың өту кезеңінен суреттер ұсынамыз.