2013 жылдың 20 қарашасында № 76 орта мектепте «Бастауыш сыныпта биоақпараттану және синергетика» технологиясының әдіс-тәсілдерін сабақта қолдану арқылы оқушылардың білім сапасын арттыру» тақырыбында бастауыш мектеп бойынша қалалық семинар өтті.

Мектеп директоры А.А.Жалелов жалпы мектеп туралы мәлімет беріп, жетістіктерімен таныстырды.

Бастауыш мектептің негізгі міндеті — жеке тұлғаны дамытып, оның алғашкы қалыптасуын қамтамасыз ету, білімге деген сенімін нығайту, іскерлігі мен дүниетанымын қалыптастыру, оқуға дегеп қызығушылығын оятып, ынтасын арттыру болып табылады. Осы міндеттерді жүзеге асыратын басты тұлға - ұстаз. Тек мықты ұстаз ғана осындай ауыр жүкті алып жүре алатындығы жайлы қалалық білім бөлімінің әдіскері Ж.Ү.Шокубаева тоқталды.

Бастауыш сынып әдістемелік бірлестік жұмысы жайлы Н.Қ.Смагулова мағлұмат берді.

Дүниетану пәнінен М.Қ.Түсенова, әдебиеттік оқудан С.Б.Бердикабулова (2 сынып), Ж.М.Какимова (4 сынып) ашық сабақтар көрсетті. Сабақтарда интерактивті тақта, оқушыларды белсендіретін тиімді әдіс-тәсілдер қолданылды.

Мұғалімдермен мектеп психологтары Н.Р.Муханбетжанова, Қ.Қ.Акедилова психологиялық тренинг өткізді.

Семинарда қарастырылған мәселелер мұғалімдердің ойынан шығып, жақсы бағасын алды.