2013 жылдың 13 қарашасы күні № 33 МБК «Қазақ тілі мен әдебиеті пәндерін оқытуда оқушылардың құзырлылықтарын қалыптастыру әдістері мен тәсілдері» тақырыбында семинар өтті. Семинардың мақсаты: ұстаздардың құзырлылық, құзыреттілік туралы білімдерін жаңғырту, оны қалыптастыру әдістерін талқылау.

Семинар шеңберінде қатысушылар 7 сабаққа қатысып, оларды талдады, құзырлылық және оны қалыптастыру тәсілдері туралы баяндама тыңдады, сыныптан тыс 2 шара куәгері болды.

Сабақтардың құрылымы мен барысын «қанағаттанарлық» деп бағалаған қатысушылар «Туған жер – алтын бесік» тақырыбындағы интеллектуалды сайыс пен мектеп және балабақша бөбектері көрсеткен ұлттық киімдер көрсетілімінің өз көңілдерінен шыққанын атап өтті.