Шығыс Қазақстан облысы білім басқармасы «Шығыс» өңірлік орталығының ұйымдастыруымен  Өскемен қаласында 2013ж. 6-7 қараша күндері  «Құрмет» орденінің иегері Қазақстан Республикасының еңбек сіңірген мұғалімі Қанипа Омарғалиқызы Бітібаеваның педагогикалық шығармашылығының 45 жылдығына арналған «Жаһандану жағдайында тіл мен әдебиетті оқыту мәселелері» тақырыбындағы халықаралық ғылыми-тәжірибелік конференция өтті.

Конференцияға Қарағанды қалалық білім бөлімі әдіскері  Жакишева М.К. қатысып, «Қ.Бітібаева іс-тәжірибесі-инновациялық технологияның қайнары» тақырыбында баяндама оқыды. Секция отырысы төрт бағытта жұмыс жасады. 70-ке жуық баяндама тыңдалды.     Конференция жұмысына алыс және жақын шетелдерден: Россия Федерациясының  Алтай өлкесінен С. Маусумбаев,  Орталық Американың Ямайка қаласынан Джордж Пальмер, Англиядан  Пол Бутройд, Турциядан Мустафа Ильхан, Астана қаласынан, Қарағанды, Павлодар, Алматы және Шығыс Қазақстан облыстарынан  барлығы 220 делегат қатысты. Тіл мен әдебиетті оқыту мәселелері жайлы, қазіргі заманғы педагогикалық технологиялар саласында тәжірибе алмасты. Конференция аясында Ұлағатты ұстаз Қ. Бітібаеваның атаулы зертханасының таныстырылымы ұйымдастырылып, шебер сыныптар жұмысы өткізілді.