№81 ЖББОМ «Білім берудегі жаңа тәсілдер» тақырыбында қазақ тілі мен әдебиеті пән мұғалімдеріне арналған семинар өткізілді.  Кембридж бағдарламасының Жеті модульге негізделген  идеялар, жеке стратегиялар мен әдіс-тәсілдері бойынша осы мектептің қазақ тілі мен әдебиеті пән мұғалімі  Ускенбаева Ш.С. «Айтыс туралы жалпы түсінік» тақырыбында 9- сыныпта ашық сабақ өткізді. Жеті модульдің ішінен “Сыни тұрғыдан ойлау”, “Диалогті оқыту”т.б. тәсілдері сабақта қолданылды. Бұл жаңа тәсіл оқушылардың ойын ашық, еркін айтуға, белсенділігін арттыруға, бір-бірінің пікірін тыңдай білуге өте қолайлы екенін семинарға қатысушылар бағалай білді. Семинардың екінші бөлігінде мұғалімдермен коучинг өткізілді. Қазіргі таңда жаңа педагогикалық технологиялар түрлері өте көп. Оларды тиімді етіп қазақ тілі мен әдебиет сабақтарында   қолдану мұғалім шеберлігіне байланысты. Қоғам талабына сай қазақ тілін оқытуда қойылып отырған ортақ міндет – тілді коммуникативтік бағытта оқыту. Инновациялық оқыту технологияларының білім беру жүйесін дамыту ісіне берері мол екенін треннинг барысында ұстаздар көз жеткізді. Ұстаздар Кембридж тәсілі бойынша оқытылатын бағдарламаның мақсаты, міндетімен, бағдарламаның жеті модулімен танысты.

Олар:

1. оқыту мен оқудағы жаңа тәсілдер;

2. сыни тұрғыдан ойлауға тәрбиелеу;

3. оқыту үшін бағалау және оқудағы бағалау;

4. оқытуда ақпараттық коммуникациялық технологияларды пайдалану;

5. талантты және дарынды балаларды оқыту;

6. оқушылардың жас ерекшеліктеріне сәйкес оқыту және оқу;

7. оқытудағы басқару және көшбасшылық

Сонымен қатар, Астана, Павлодар  қалаларында өткен педагогтар форумының қатысушылары М.М. Әлжанова, З.З.  Қасымжанова  өз жаңалықтарымен әріптестерімен бөлісті.