Қарағанды қаласы білім бөлімінің  «ҚР Тілдері күні» мерекесіне арналған онкүндіктің ісшаралар жоспарына сәйкес білім ұйымдарында өзге ұлтты оқушылар  арасында «Мемлекеттік тіл – менің тілім» фестивалі, «Ана тілі аруы», «Серілер сыны» байқаулары, «Тілдарын-2013» олимпиадасы, түрлі этностар өкілдерінің қатысуымен  «Ана тілі – жүрек үні» фестивалі, «Қазақтың ырым-тыйым сөздері» тақырыбында дөңгелек үстел, «Мың бір мақал»- өнер жарысы, түрлі сынып сағаттары мен ашық сабақтар өткізілді. Онкүндік жұмысының шымылдығын қалалық білім бөлімі іріктеп, жинақтаған оқушылардың қатысуымен «Ана тілі – жүрек үні» фестивалі жапты. Фестиваль Қазақстан жерін мекен еткен түрлі ұлт өкілдерінің басын қосты. Қала мектептерінің оқушылары би билеп, ән салып, өлең оқып, күй тартып, көрініс қойып өз өнерлерін ортаға салды. Көрермендердің көңілінен шыққан фестиваль жоғары бағаға ие болды.