Сұрыптау кентінде №22 мектеп-интернат жанында ағымдығы жылдың ақпан айында ашылған балалар мен жеткіншектер Сарайының бөлімшесінде «Ашық есік күні» өткізілді. Ісшара қатысушыларына, олардың ішінде балалар мен жеткіншектер Сарайының тәрбиеленушілері, оқушылар мен ата-аналарға, концерттік бағдарлама, балалардың шығармашылық көріністері, сонымен қатар ата-аналар үшін ашық сабақтар ұсынылды.   

Бөлімшеде бүгінгі күні 300 астам бала қытысып жүрген бейнелеу және қолданбалы өнерінің, хореографиялық, вокалдық шеберліктің үйірмелері, шахмат, тоғыз құмалақ  секцияларының және тағы басқалардың жұмысы ұйымдастырылды.   

Оқушыларды қосымша біліммен одан әрі қамтамасыз ету мақсатында бөлімшеде «Бейнелеу өнері мен дизайн», «Стиль және сән», «Ағылшын тілі» бағыттарында жаңа үйірмелер жұмыстарын бастады, оған қоса үстел теннистен, қазақ тілінен үйірмелердің және гитара сыныбының ашылуы жоспарлануда.