Балалар мен жеткіншектердің арасында салауатты өмір салтын насихаттау, оқушыларды спортқа тарту мақсатында  қаланың білім беру ұйымдарында денсаулық Күніне арналған «Денсаулығым керемет-жаттығуға көп рахмет» ұранымен жаппай спорттық ісшаралар ұйымдастырылды.

Мереке қарсаңында мектептерде «денсаулық бұрыштар», тақырыптық газеттер дайындалып,  денсаулық Күніне арналған сынып сағаттар, ойын викториналар және байқаулар өткізілді. Мектептердегі медициналық қызметкерлер оқушылармен зиянды әдеттерді алдын алу жөнінде әңгімелесулер өткізді.

Мектептердегі спорт алаңдарында және корттарда футболдан, волейболдан және пионерболдан спорттық ісшаралар, сонымен қатар ата-аналардың белсенді қатысуымен «денсаулық фестивалдар», көңілді сайыстар және отбасылық эстафеталар өткізілді.