Тамыз айының 21-і күні қала әкімі М. Смагуловтың қатысуымен білім  беру қызметкерлерінің тамыз педагогикалық кеңесінің пленарлық бөлімі өткен оқу жылын қорытындылап,   жаңа оқу жылының міндеттерін белгілеу мақсатында әкімшіліктің  үлкен залында  өтті. Мәжілістің негізгі бағыттары анықталды: оқушылардың  функциональдық сауаттылығын көтеру , оқушыларды қосымша білім берумен қамту,  білім беру мекемелерінде оқу-тәрбие үрдістеріне өлкетану, азаматтық құқық т.б.  жаңашыл курстарын енгізу;  көп тілділік идеясын жүзеге асыру ; оқушыларды  алдын-ала кәсіби бағдар алуға дайындау.  

Негізгі баяндаманы қалалық білім бөлімінің басшысы Д.Жекебаев жасады. Тамыз мәжілісіне  700-ден астам адам қатысты: білім ұйымдарының басшылары, педагогикалық еңбектің ардагерлері, жас мамандар, кәсіподақ ұйымдарының өкілдері және сонымен қатар қаланың мемлекеттік құрылым  өкілдері қатысты.   

Түстен кейін қаланың білім беру ұйымдарында өткізілген  секциялық мәжіліске 1800-ден астам адам қатысты. Мәжілісте жоғарыда аталған бағыттар талқыланды. Мәжілістің  нәтижесі ретінде жалпы шешім қабылданды.