2013 жылғы 1 тамыздан 30 қыркүйек аралығында әлеуметтік қорғалмаған отбасылардан шыққан балаларға жаңа оқу жылына дайындық барысында көмек көрсету және балалардың мектепке әлеуметтік мәселелер бойынша келмей қалуын алдын алу мақсатында қалада «Мектепке жол» атты жыл сайынғы жалпы республикалық акциясы «Болашақты біз бірге жасаймыз» ұранымен жалғасуда.  

Акция аясында білім беру ұйымдарында «сенім» телефондардың үздіксіз жұмысы және азаматтардың өтініштеріне шұғыл назар аудару үшін қоғамдық қабылдаулардың жұмысы ұйымдастырылды.

Акция барысында барлық білім беру ұйымдарында әлеуметтік қолдауға мұқтаж балаларға материалдық көмек көрсету бойынша ісшаралар ұйымдастырылуда. Қазіргі таңда 2000 жуық балаларға көмек көрсетілді. Оларға мектеп және спорттық формасы, рюкзактар, кеңсе жабдықтары табыс етілді.

Қарағанды қаласының білім бөлімі демеушілерге және қала кәсіпкерлеріне «Мектепке жол» акциясына белсенді қатысқаны үшін алғыс білдіреді.