Қарағанды қаласы білім бөлімімен балаларды және жеткіншектерді сауықтыру, балалардың арасында салауатты өмір салтын насихаттау мақсатында 2013 жылғы жаз маусымында Бұқар-Жырау ауданының Асыл селосында орналасқан Қарағанды қаласы №2 өнер мектебінің «Салют» орталығында оқушылардың демалысын ұйымдастыру бойынша белсенді жұмыс атқарылды. 

«Салют» орталығында балалардың жазғы демалысы ағымдағы жылдың 13 маусымында басталып, 19 тамызда аяқталды. Орталықта 2013 жылғы жаз бойы 5 ауысым ұйымдастырылып, 1300-ден астам бала қамтылды.

«Салют» орталығында балаларға қызықты танымдық бағдарлама ұсынылып, барлық ауысымдар бойы балалар әртүрлі байқауларға, ойындарға және басқа мәдени ісшараларға қатысты. Спорттық алаңдарда балалар үшін спорттық эстафеталар және футбол, волейбол, пионербол бойынша сайыстар, оның ішінде Қазақстан Республикасының Спорт Күні қорытындысы шығарылған шағын олимпиадалық ойындар ұйымдастырылды. 

Сонымен қатар, орталықта әртүрлі тақырыптық мерекелер, экологиялық акциялар және басқа ісшаралар тұрақты түрде өткізілді. 

Орталықта балалармен үйірме жұмысы да ұйымдастырылды. Балалар вокалды, шығармашылық, музыкалық, хореоргафиялық, бейнелеу өнері бойынша студияларға, сонымен қатар шахмат секциясына аса қызығушылықпен қатысты.