Аяқталған оқу жылында Қарағанды қаласының білім бөлімі жол полициясының қалалық бөлімімен бірге жол қозғалысы жас инспекторларының қалалық байқауын ұйымдастырды. Аталған байқаудың қорытындысы бойынша №101 мектеп-лицей мен №95 гимназия командалары жеңімпаз атанды.

Ағымдағы жылы мамыр айында өткізілген жас инспекторлардың облыстық байқауында №95 гимназия  1 орынға ие болып, 23 мауысым - 07 шілде аралығында Ақмола облысының «Балдәурен» оқу-сауықтыру орталығында өткен Республикалық слетте Қарағанды облысының намысын қорғады.

Республикалық слетте гимназияның жас инспекторлары жақсы дайындық деңгейлерін көрсетіп, 6 жүлделі орынға қол жеткізді.  Жол ережелерінің білімпаздары байқауында 1 орынға Чебан Елизавета, 3 орынға Хе Владислав ие болды. Хе Владислав «жас реттеуші» байқауында да  үздік атанды. Саптық байқауында балалар 3 орын иеленді, ал биылғы жылы слеттік бағдарламаға алғашқы рет енгізілген жас инспекторлардың жетекшілері арасында өткізілген байқауда команда жетекшісі С.Ю. Швачкина 2 орынға ие болды. 

Республикалық сайыстың қорытындысы бойынша №95 гимназия 2 жалпыкомандалық орынға ие болды!

Қарағанды қаласының білім бөлімі балаларды және команда жетекшісі С.Ю. Швачкинаны республикалық слетке табысты қатысуымен құттықтайды және жаңа жеңістер мен жетістіктер тілейді!