Қарағанды қаласының балалар мен жеткіншектер Сарайы Қарағанды қаласы білім бөлімінің қолдауымен 2013 жылғы 06 шілдеде Астананың 15 жылдық мерейтойы күні  «Қазақстан - ортақ үйіміз!» атты мерекелік концерттік бағдарлама ұйымдастырды.

Мерекелік ісшара барысында көптеген қалалық, облыстық, республикалық және халықаралық байқаулар мен фестивальдердің жеңімпаздары болып атанған балалар мен жеткіншектер Сарайының вокалды және хореографиялық ұжымдары қала тұрғындарын өз шығармашылығымен қуантты.

«Бозторғай» вокал студиясы, «Волшебная страна» үлгілі хореографиялық ансамблі, «Джеронимо» заманауи би ансамблі және басқа ұжымдар өздерінің  тамаша қойылымдарын көрсетті. Сонымен қатар, мерекеде соло нөмірлі қойылымдар да ұсынылды.

Мерекелік концерт барысында Астана қаласымен жасты балаларды құттықтау рәсімі өтті. Оларға Қарағанды қаласының әкімдігінен құттықтау хаты және естелік сыйлықтары табыс етілді.