Қарағанды қаласының балалар мен жеткіншектер Сарайы Қарағанды қаласы білім бөлімінің қолдауымен 2013 жылғы 06 шілдеде елорданың 15 жылдық мерейтойы және «Жас Ұлан» бірыңғай балалар мен жеткіншектер ұйымының құрылған күні қаладағы білім ұйымдарының мектепішілік лагерьлеріне қатысып жүрген балаларды «Жас Ұлан» және «Жас Қыран» БЖҰ қатарына салтанатты қабылдауды  ұйымдастырды.

Оқушыларды  Елбасы Н.Ә. Назарабаевтың бастамасымен құрылған «Жас Ұлан» бірыңғай балалар мен жеткіншектер ұйымы қатарына қабылдаудың басты мақсаттары: өскелең ұрпаққа патриоттық тәрбие беру, балалардың танымдық және шығармашылық белсенділіктерін  арттыру, сонымен қатар әлеуметтік маңызы бар бастамаларды іске асыру болып табылады.  

Ісшара барысында «жасұландықтар» ұйымның салтанатты антын қабылдап, ал мектеп вожатыйлары, арнай шақырылған қонақтар, олардың ішінде еңбек ардгерлері балаларға көк түсті галстуктер тақты. Қабылдау соңында балалар Мәңгілік алауына гүл шоқтарын қойды.

Мереке балалар мен жеткіншектер Сарайының келесі ісшараларды, оның ішінде  ойын бағдарламасы - Астана қаласын сырттай аралау, балалар суреттерінің байқауы, спорттық-ойын-сауық ісшарасын ұйымдастырумен жалғасты. Ісшараларға 300 астам балалар қатысты.