Қарағанды қаласының білім бөлімі балалардың сауықтыруын ұйымдастыру, құқық бұзушылықтың алдын алу, балалар мен жеткіншектердің арасында салауатты өмір салтын насихаттау мақсатында «Салют» балалар сауықтыру орталығында оқушылардың демалысын ұйымдастыру бойынша белсенді жұмыс атқаруда.
Ағымдағы жылдың 13 маусымда №83 орта мектептен 38 білім ұйымдарында оқитын 300 астам балалар I ауысымға «Салют» орталығына демалысқа жіберілді.
Орталықта балаларға қызықты танымдық бағдарламалар, байқаулар, ойындар, мәдени іс-шаралар және балалардың қызығушылығы бойынша кәсіптер ұсынылады. Балалар үшін футбол, волейбол, баскетбол, үстел теннисі бойынша спорттық эстафеталар, сайыстар және басқа ісшаралар ұйымдастырылады.