Қарағанды қаласының білім бөлімі «Біз Қазақстан балаларымыз! Біз жаңа әлемде өмір сүреміз!» атты жалпықазақстандық акция аясында 2013 жылғы 01 маусымда Орталық мәдениет және демалыс саябағында Халықаралық балаларды қорғау күніне арналған «Балалық шақ ертегі әлемі» қалалық фестивалін өткізді.
Фестиваль өскелең ұрпақтың шығармашылық қабілеттері мен бастамаларын қолдау және дамыту, балалардың құқықтарын қорғау, балалар мен ата-аналарға көңіл-күй сыйлау мақсатында ұйымдастырылды.
Ісшараға балалар, педагогтер, ата-аналар және қала тұрғындары қатысты.Фестиваль барысында №1 және 2 өнер мектептерінің оқушылары өздерінің вокалды және хореографиялық нөмірлерін  ұсынды. Мерекенің қызықты сәттерінің бірі - №2 балалар музыка мектебінің соқпалы аспаптар ансамблінің және №2 өнер мектебі театр бөлімшесінің әртістері дайындаған ертегі викторинасы болды. №1 өнер мектебінің хореографтары және оқушылары балаларға арналған би флеш-мобын ұйымдастырды.
Мереке соңында қатысушыларғадемеуші-«Айсберг» ЖШС тәттілер және фестиваль ұйымдастырушылардан сыйлықтар табыс етілді.