;

Шәкәрім Құдайбердіұлының мұраларын жатқа айтушы оқушылар арасында  өткен  «Адамдық борышың» атты  байқау

«Ынсап» қоғамдық қоры және  Қарағанды қалалық білім бөлімі 2010 жылдың 22 ақпанында   Балалар және жасөспірімдер сарайында ғұлама данышпан Шәкәрім Құдайбердіұлының мұраларын жатқа айтушы мектеп оқушылары арасында «Адамдық борышың» атты  байқау өткізді.

Адамзат дүниетанымында өзіндік із қалдырған, қазақ халқының ғасырлардан бері жалғасып келе жатқан руханиятының көшбасшысы, дана, кемеңгері Шәкәрім Құдайбердіұлының мұраларын насихаттау бағытында өтетін байқаудың мақсаты-өскелең ұрпаққа отансүйгіштік тәрбие беру, бабалар мұрасына деген жастардың құрметін ояту.Байқауды Қарағанды облыстық білім басқармасының бастығы Е.Н. Иманғалиев Мәдениет және ақпарат министрі М.Құл-Мұхаммед мырзаның Құттықтау грамотасын оқумен ашты. Байқаудың әділқазылар алқысында Қ.И. Сәтбаев ат. ҚазҰТУ кафедра меңгерушісі тех.ғ.д., профессор Саят Мұратұлы Ыбыраев, шәкәрімтанушы ғалымдар Рахымжанов Б.К., Сыздықбай Н.Р. болды. «Парасат» тобы шәкәрім әндерін орындады. Байқауға қатысу үшін 100-ден астам оқушы тілек білдірді. 2 кезеңге 48 оқушы өтіп, ІІІ кезеңде ақтық сынға өткен 12 оқушы бақ сынасты.Шәкәрім Құдайберді ұлының өлеңдерін жатқа айтумен бірге өлеңдеріне талдау жасап, өмірі мен шығармашылығына қатысты сұрақтарға жауап берді. Оқушылар өзеріне қойылған байқау шарттарына орай жақсы дайындықпен келгенін байқатты. Бас жүлдені №27 орта мектептің оқушысы Мағзұмбекова Көркем Саматқызы өзінің білімпаздығымен жеңіп алды. Сыйлыққа Panasonik теледидары берілді. Пән мұғалімі Мұқанова Шолпан Тұрарқызы. Сайыс қорытындысы төмендегідей болды:
Бас жүлде-№27 орта мектеп оқушысы Мағзұмбекова К.С.

1-орын Нұрмақов ат.№2 гимназия оқушысы алды.
2-орын  Шәйкен Гүлдана №81 орта мектеп
2-орын  Өмірбекова Перизат №57 лицей
3-орын Аман Сәбина №18орта мектеп
3-орын Кәменова Айзада №57 лицей
3-орын мағзұмбекова Жамал №57 лицей

Ақтық сынға қатысқан оқушыларға ұялы телефондар сыйға тартылса, оларды осы байқауға дайындаған ұстаздары да сыйлықтан құр алақан қалмады. Құрмет грамоталарымен , сыйлықтармен марапатталды.