Қарағанды қаласы білім бөлімінің бастамасымен 2013 жылғы 25-26 сәуірде №27 және №46 орта мектептерінде «Біз - Қазақстанның салауатты ұрпағымыз» атты үгітбригадалар байқауы өткізілді.  Байқау балалар мен жеткіншектердің дене және психикалық денсаулықтарына тиімді шарттар жасау, өскелең ұрпақтың денсаулығы үшін қауіпсіз әрі жағымды сала құру, сонымен қатар оқушылар арасында салауатты өмір салтын насихаттау мақсатында ұйымдастырылды. 

60 астам мектеп үгітбригадалардың көріністерін өскелең ұрпақ арасында салауатты өмір салтын насихаттауға қызығушылық танытатын ұйымдардың өкілдері, нақтырақ қалалық білім бөлімінің мамандары, ЖИТС орталығының, салауатты өмір салтын қалыптастыру облыстық орталығының қызметкерлері және басқалары бағалады.  

Өз көріністерінде оқушылар салауаты өмір салтын ұстануға, бос уақытты белсенді өткізуге шақырып, спортты насихаттады. Байқаудың қорытындысы бойынша жеңімпаздар анықталды: Қазыбек би атындағы ауданының білім ұйымдары арасында: №97 гимназия (1 орын), №23 ОМ (2 орын), №6 ОМ (3 орын); Октябрь ауданының білім ұйымдары арасында: №9 гимназия (1 орын), №95 гимназия (2 орын), №46 ОМ (3 орын). «Ең жас команда» номинациясында №56 ОМ үгітбригадасы, ал «Ең өзіндік команда» номинациясында №62 ОМ үгітбригадасы анықталды.