Қарағанды қаласының ЮНЕСКО клубына кіретін №2 өнер мектебінің педагогтар тобы, республикалық және халықаралық байқаулардың жеңімпазы - «Сары-Арқа әуендері» фольклор ансамблі, көптеген республикалық байқаулардың жеңімпазы - «Арнау» хореографиялық ансамблі ағымдағы жылдың сәуір айында мәдени және педагогикалық жұмыс тәжірибесімен алмасу мақсатында Онтүстік-Шығыс Қытайдағы Ченду қаласына іссапармен барды. Іссапар өткен жылғы қазан айында Қазақстандық және Қытайлық Ұлттық Федерациялары және ЮНЕСКО Ассоциациясының ұйымдастыруымен өткен бейбітшілік пен мәдениеттің Бірінші халықаралық фестивалінде қарағандылық №2 өнер мектебінің және Ченду қаласы №3 орта өнер мектебінің арасында орнатылған достық негізінде пайда болды.   

Іссапар бағдарламасы бойынша әлемдік өнердің үздік үлгілері арқылы өскелең ұрпақты дамыту және тәрбиелеу мәселелерін екіжақты талқылау қарастырылды. Қытайлық әріптестер қосымша білімді басқару, балалардың бос уақыттарын ұйымдастыру, өнердің түрлі тәсілдерін үйрету бойынша жұмыс тәжірибелерімен бөлісіп, әр оқушыға назар аударуымен дайындығы бойынша топта жұмыс жасау бойынша үлгілерді көрсетті. Қарағанды қаласының №2 өнер мектебінің ұжымы қазақ композиторларының музыкалық шығармаларын, қазіргі және халықтық би композицияларын ұсынды. Табысты шығармашылық алмасудың нәтижесінде Қарағанды қаласы №2 өнер мектебінің және Ченду қаласы №3 орта өнер мектебінің арасында өзара қарым-қатынас туралы меморандумға қол қойылды.