«Мен-азаматпын» атты әлеуметтік жобалардың қалалық байқауында жеңімпаздар болып атанған  Қарағанды қаласы білім ұйымдарының оқушылары «Менің идеяларым-менің еліме!» атты қоғамдық тыңдауларға қатысты. Қарағанды облысының балалар құқығын қорғау департаменті өткізген тыңдауларда өз жобаларын Қарағанды, Шахтинск қалалары және Қарқаралы ауданы мектептерінен 18 команда  ұсынды. 

Өз жобаларында оқушылар аймақтың экологиялық жағдайын жақсарту, қала аумағын абаттандыру, сонымен қатар балалар мен жастардың бос уақытын тиімді ұйымдастыру, инклюзивті оқыту мәселелері бойынша өз шешімдерін ұсынды. 

Тыңдаулар қорытындысы бойынша 1 орынға №68 МББИК оқушылары, 2 орынға - №30 орта мектеп командасы ие болды. Сонымен қатар, Қарағанды қаласы №97 гимназиясы және №78 орта мектептің жобалары қазылар алқасы мүшелелерімен белгіленді. Барлық жүлдегелер Beeline сауда белгісінің USB-модемін алуға сертификатпен марапатталды.