Қарағанды қаласын балалар мен жеткіншектер Сарайының «Бозторғай» вокалды студиясы Францияда өткен  «Хрустальная лира» атты Халықаралық фестиваль-байқауына қатысты. Европалық көрермендерді өз шығармашылығымен жаулап алған қарағандылықтар фестиваль дипломдарымен «Париж жұлдыздары» сезоны аясында марапатталды: 1-дәрежелі диплом - Кенесбек Ботагөз, № 93 гимназияның оқушысы; 2-дәрежелі дипломдар - кіші жастағы категорияда - Оспан  Тансу, №27 орта мектеп оқушысы, Тоқтаров  Темерлан, № 51 орта мектеп оқушысы. Франция жағынан арнайы марапатпен «Көрермендер марапаты» №101 мектеп-лицей оқушысы Кәрімбаева Әйгерім  марапатталды. «Халық дәстүрлерінің тұсаукесері үшін» номинациясында дипломмен №77 МББК оқушысы Казкен  Берик марапатталды.  

«Бозторғай» студиясының жетекшілері шығармашылық және дарындылық үшін фестивальдің сертификаттарымен марапатталды. Сонымен қатар, «Жизнь городов» (г. Москва) халықаралық бағдарлама  «Бозторғай» вокалды студиясын келесі жылы Дрезден қаласында өтетін Халықаралық шығармашылық байқауда қатысуға шақырды.

Қарағанды қаласының білім бөлімі балаларды «Хрустальная лира» Халықаралық фестивальге сәтті қатысуымен құттықтайды және алдағы уақытта шығармашылық табыс тілейді!