Қарағанды қаласы білім бөлімінің қолдауымен №1 балалар көркем мектебі «Творческий Союз «Художников Караганды» қоғамдық бірлестігі және №1 өнер мектебімен бірлесіп 2013 жылғы 18-19 наурызда қаланың бейнестудия және білім ұйымдарының сурет өнері мұғалімдері үшін  «Өнерлі шебер» атты II қалалық шығармашылық практикум және мастер-кластар өткізді.  

Практикум жұмыстың әртүрлі қызықты тәсілдерін зерттеу, сурет өнері мұғалімдері шеберліктерінің артуына ықпал жасайтын практикалық дағдыларын дамыту мақсатында ұйымдастырылды. Практикумға  қаланың 24 білім ұйымы қатысып, оларға келесі тақырыптарда: «Ермексазды суреттер» (мұғалімі Калкина О.А.), «Қағазды пластика. Квиллинг» (мұғалімі Нуртаева Ж.К.), «Жұмыстарды рәсімдеу талаптары. Этикетаж. Суреттер техникасы» (мұғалімі Голубева А.В.), «Акварельді қарындаштармен сурет салу» (мұғалімі Магдеева В.В) мастер-кластар және «Ярмарка в Дымковской слободе» (мұғалімдер Ивашенцева Т.Н., Петровская Л.С., Снитко С.А.) тақырыбында біріктірілген сабақ ұсынылды. Сонымен қатар, практикум қатысушылары үшін балалар көркем мектебіне экскурсиялар, жәрмеңке, концерттік бағдарлама ұйымдастырылды. 

Практикум жұмысының екінші күні бейнелеу өнері облыстық мұражайда жалғасты. Онда келесі тақырыптарға мастер-кластар ұсынылды: «Цветоведение» (жетекшісі Малышев В.Н.), «Техника по-сырому» (жетекшісі - суретші, «Творческий Союз «Художников Караганды» қоғамдық бірлестіктің өкілі  Досманова Т.Д.). Сонымен қатар, қатысушылар «Наурыз» тақырыбына арналған ұлттық стильде натюрморт салу практикалық жұмыстары мен көрме өткізді. Практикум соңында қатысушылар өздерінің шығармашылық потенциалдарын көрсетуге, әріптестермен тәжірибе алмасуға және өз жұмыстары туралы айту мүмкіндігі үшін ұйымдастырушыларға алғыстарын білдірді.