Қарағанды облысының білім басқармасы Қарағанды қаласының білім бөлімімен бірлесіп 2013 жылғы 29 наурызда №1 балалар музыка мектебінде «Бәйшешек» атты ішекті аспаптар бөлімі оқушылары арасында ІІ облыстық фестиваль-байқауын өткізді.

Байқауға 25 жеке орындаушы және 3 музыкалық ұжым қатысты. Төрт номинация бойынша:  скрипка, альт, виолончель және ансамбльдер Қарағанды, Теміртау, Шахтинск  және Саран қалаларының жас дарындылары қатысып, өз өнерлерін ортаға салды. Қатысушыларды кәсіби  әділқазылар мүшелері - Қ.Байжанов атындағы концерттік бірлістік симфониялық оркестрінің бас мамандары және Қарағанды қаласының дарынды балаларына арналған орта мамандандырылған музыка мектеп-интернатының  оқытушылары бағалады. Шығармашылық сайыс қорытындысы бойынша әр номинацияда жеңімпаздар анықталды: кіші топта - І орын - Горлов Н. (Қарағанды қаласының К. Аманжолов атындағы БММ), ІІ орын - Тлегенова К. (Қарағанды қаласының К. Аманжолов атындағы БММ), Ившин А. (Қарағанды қаласының №4 БММ), ІІІ орын - Журавлева Ю. (Қарағанды қаласының №2 БММ);  орташа топта - ІІІ орын - Иванова С. (Қарағанды қаласының К. Аманжолов атындағы БММ), Аубакирова Р. (Қарағанды қаласының №1 өнер мектебі);  жоғары топта - ІІ орын  - Нагызханова У. (Қарағанды қаласының К. Аманжолов атындағы БММ), ІІІ орын - Альбатырова Ю. (Қарағанды қаласының №1 өнер мектебі). Ансамбльдер арасында үздік болып атанғандар: Қарағанды қаласының №1 БММ-нің скрипкашылар ансамблі (I орын), Қарағанды қаласының №2 БММ скрипкашылар дуэті (III орын).