Қарағанды қаласының білім бөлімі Қарағанды қаласы ішкі істер Басқармасы, «Мир добра» қоғамдық бірлестік өкілдерінің және қалалық мәслихат депутаты С.Б. Сыздықованың қатысуымен 2013 жылғы 14 наурызда №27 орта мектепте білім беру ұйымдары директорларының тәрбие ісі жөніндегі орынбасарлары, мектептік және аймақтық инспекторлар үшін «Қарағанды қаласының білім ұйымдарында мектеп инспекторлардың жұмысын ұйымдастыру» тақырыбында семинар-мәжіліс өткізді.

Кәмелетке толмағандар арасында құқық бұзушылықтың алдын алу бойынша педагогикалық ұжым мен полиция бөлімі инспекторларының әрекеттесу тәжірибесін жалпылау, мектептік және аймақтық инспекторларының жұмысын белсендіру мақсатында семинар ұйымдастырылды.

Семинарда мектеп инспекторларынын жұмысы туралы Қарағанды қаласының ІІБ бастығының орынбасары Б.Е.Кенжеболатов және №48 орта мектеп инспекторы О.О. Қасымова, №58 орта мектеп инспекторы Г.С. Баянбаева сөз сөйледі.

Оқушылардың арасында құқық бұзушылықтың алдын алу бойынша мектеп әкімшіліктерінің және инспекторлардың бірігіп атқарған жұмысы жөнінде №56 орта мектеп директорының тәрбие ісі жөніндегі орынбасары А.Д. Садвакасова, №25 мектеп директорының тәрбие ісі жөніндегі орынбасары И.Ю.Смолянова баяндады. Сонымен қатар, семинар барысында қала мектептерінде ағымдағы жылғы 20 ақпан мен 02 наурыз аралығында өткен «Біз таза қала үшін!» атты акцияның қорытындылары және «Мир добра» қоғамдық бірлестігінің төрағасы Т.А. Абрамова және психолог Д.М. Чеканов балаларға қатыгездік таныту алгоритмін анықтау және оларға көмек көрсету туралы ақпарат тыңдалды. Семинар қатысушыларының алдында №91 орта мектеп «Жас полицейлер» кадеттік сыныбының оқушылары да өз өнерлерін көрсетті.    

Семинар жұмысының қорытындысы бойынша кәмелетке толмағандардың арасында құқық бұзушылықтың алдын алу жөніндегі жұмыстың тиімділігін жоғарлатуға және ата-аналар қауымдастығымен байланысты күшейтуге бағытталған ұсыныстар қойылды.