Қарағанды қаласының білім бөлімі ақпан айында қалалық мектепке дейінгі ұйымдардың арасында әдістемелік кабинет байқау-сайысын ұйымдастырды. Байқау- сайысының негізгі мақсаты мектепке дейінгі мекемелердің әдістемелік жұмысын ынталандыру, педагогтардың шеберлігін арттыруда озық тәжірибелерді насихаттау, әдістемелік қызметтің үздік дәстүрлерін сақтап молайту.    

Байқау-сайысына 14 балабақша қатысып, «Қарағанды қаласы мектепке дейінгі ұйымның ең үздік әдістемелік кабинеті - 2013» атағына таласқа түсті. 

Мектепке дейінгі мекемелер арасындағы байқау - сайысының қорытындысы бойынша  келесі жүлдегерлер анықталды: 

• Гран-при және «Қарағанды қаласы мектепке дейінгі ұйымның ең үздік әдістемелік кабинеті - 2013» атағы - «Алмагүл» балабақшасы;

• I орын - «Аққу» балабақшасы ;

• ІІ орын- «Балақай», «Толағай», «Ертөстік» балабақшалары;

• ІІІ орын - «Гүлдер», «Батыр», «Айсулу», «Ертегі» балабақшалары.