2011-2015 жылдарға арналған Қазақстан Республикасының электр қуатын тиімді пайдалану Кешенді жоспарын іске асыру мақсатында «Қазақэнергозерттеу» АҚ Қазақстанның көптеген аймақтарынан оқушылар қатысқан «Электр қуаты тиімді Қазақстан» атты республикалық суреттер байқауын өткізді.  

Конкурстық комиссия ұсынылған жұмыстарды бағалап, жеңімпаздарды анықтады. Еліміздің білім ұйымдарының 1-5 сынып оқушыларының арасында I орынды Қарағанды қаласының №20 орта мектеп оқушысы Советник Никита иеленді. Қуатты үнемдеу Дүниежүзілік күніне орай ұштастырылған жеңімпазды марапаттау рәсімі мектеп қабырғасында өткізілді. Салтанатты жиында «Қазақэнергозерттеу» АҚ Қарағандыдағы өкілдігінің директоры Марат Жалпақов жеңімпазға естелік диплом мен I-pad 2 планшеттік компьютерді табыстады.